თუ გინდათ, რომ თქვენმა შვილმა მიიღოს კარგი განათლება და აღიზარდოს თბილ, მეგობრულ გარემოში, გირჩევთ არჩევანი ჩვენს სკოლაზე შეაჩეროთ.
კლასებში მოსწავლეთა რაოდენობა შეზღუდულია (10 მოსწავლემდე).

სკოლა გთავაზობთ სწავლების მაღალ დონეს ესთეტიკური აღზრდის პროგრამას; მრავალფეროვან პროექტებს.

სკოლაში ფუნქციონირებს სკოლამდელი და მოსამზადებელი ჯგუფი. ინგლისური ენის სწავლება იწყება I კლასიდან, ხოლო რუსული- III კლასიდან.
სახელმწიფო სტანდარტით გათვალისწინებულ სასწავლო დისციპლინებთან ერთად ისწავლება სტანდარტსზევით საგნები: სახალისო მათემატიკა (III კლასიდან), ჭადრაკი (I-VI კლასი) და სხვა.

V კლასის ზევით სკოლაში მოსწავლეები ირიცხებიან გასაუბრების საფუძველზე. V კლასიდან მათემატიკა ისწავლება გაძლიერებულად (კვირაში 7 საათი), ხოლო ფიზიკის სწავლება VII კლასიდან იწყება.

XI-XII კლასებში ისწავლება ზოგადი უნარები.
ჩვენი მოსწავლეები ხშირად მონაწილეობენ სხვადასხვა ოლიმპიადებში და გარკევული წარმატებებიც გვაქვს. ჩვენი სკოლა რეგულარულად უწევს ორგანიზებას გასართობ და შემეცნებით ექსკურსიებს მუზეუმებსა და საქართველოს სხვადასხვა კუთხეში.

ჩვენს სკოლაში სწავლება მიმდინარეობს თანამედროვე მეთოდოლოგიით, შექმნილია კეთილმოწყობილი და უსაფრთხო გარემო ბავშვებისათვის. სკოლას ემსახურება ტრანსპორტი. სწავლა კლასში იწყება 9.30 სთ-ზე, ბავშვები სკოლაში რჩებიან 17.00 საათამდე. სასწავლო პროცესის დასრულების შემდეგ ფუნქციონირებს თითოეული კლასისთვის გახანგრძლივებული ჯგუფი. მოსწავლეები სადილობენ, მეცადინეობენ, ისვენებენ და ერთობიან პედაგოგების მეთვალყურეობის ქვეშ.

სკოლას აქვს ინფორმატიკის კაბინეტი, ბიბლიოთეკა, საბუნებისმეტყველო მეცნიერებათა ლაბორატორია, ასევე მუსიკისა და ხელოვნების კაბინეტები, სპორტული დარბაზი, კალათბურთის მოედანი და კეთილმოწყობილი ეზო. რაც შეეხება კლასგარეშე აქტივობებს, სკოლას აქვს მუსიკის, ცეკვისა და ხელოვნების წრე ( ხატვა, ქარგვა, ქსოვა, კერვა და სხვა).
გვეწვიეთ, რათა მეტი შეიტყოთ ჩვენ შესახებ.