გურამ დევდარიანის საავტორო ფიზიკა-მათემატიკური სკოლა ფუნქციონირებს გლდანი-ნაძალადევის რაიონში და ორიენტირებულია გაძლიერებული ფიზიკისა და მათემატიკის სწავლებაზე.ამასთანავე არ ხდება სხვა საგნების უგულველყოფა.სკოლა განთავსებულია ორსართულიან შენობაში და აქვს კეთილმოწყობილი კლას-კაბინეტები,თანამედროვე ლაბორატორია, სასადილო, კომპიუტერული ცენტრი, ბიბლიოთეკა, სპორტული მოედანი და საკონფერენციო დარბაზი.
წლევანდელი გამოსაშვები გამოცდებისათვის გამოცდების ეროვნულ ცენტრში სპეციალური პროგრამა, ე. წ. Gcat browser-ი შეიქმნა, რომელიც სრულად უზრუნველყოფს ტესტირების დაცულობასა და საიმედოობას, პროგრამა ზღუდავს ყველა სტანდარტულ პროცედურას ტესტირების განმავლობაში (მაგ.: ფრაზის, სიტყვის კოპირება და ა.შ.).
პირველ საგამოცდო დღეს, 09:00 საათზე მეთორმეტეკლასელები ქართული ენისა და ლიტერატურის დავალებებზე დაიწყებენ მუშაობას.
გამოცდები კომპიუტერულად, ე.წ. "CAT"-ის სისტემით ტარდება.
საგამოცდო ოთახებში იმუშავებს ვიდეო კამერა და ხმის ჩამწერი აპარატურა. საგამოცდო პროცესში 2000-ზე მეტი მეთვალყურეა ჩართული.
გამოცდების დაწყებამდე ყველა მოსწავლემ საკუთარ სკოლაში მიიღო საგამოცდო ბარათი, რომელზეც მითითებულია 8-ვე გამოცდაზე გამოცხადების თარიღი და დრო.
მოსწავლე მითითებულ დღეს და საათზე უნდა გამოცხადდეს შესაბამის სკოლაში და გაიაროს რეგისტრაცია.
მან თან უნდა იქონიოს მოსაწვევი, პირადობის მოწმობა და კალამი. დასაშვებია მხოლოდ პირადი ჰიგიენის ნივთებისა და პლასტმასის ბოთლით წყლის შეტანა.
2012 წლის სკოლის გამოსაშვები გამოცდის ჩატარების განრიგი:
21 მაისი - ქართული ენა და ლიტერატურა, ქართული ენა როგორც მეორე ენა;
22 მაისი - უცხოური ენა;
23 მაისი - ისტორია;
24 მაისი - გეოგრაფია;
25 მაისი - ფიზიკა;
28 მაისი - ქიმია;
29 მაისი - ბიოლოგია;
30 მაისი - მათემატიკა.